(Donostia, 1976)
Picheleiro descendente de arçuans nascido, por acaso, na emigraçom. Licenciado em História pola USC. Tem os seus primeiros contactos com o reintegracionismo na sua etapa universitária onde também militou nos CAF. Acabados os estudos começou a trabalhar em temas de comunicaçom e internet, numha produtora de conteúdos para a rede, na cidade de Ourense.
Nesta cidade morou entre 2001 e 2006 entrando em contacto com pessoal da AGAL. Assim em Fevereiro de 2002 começa a colaborar com Vítor Manuel Lourenço Peres no redesenho do primeiro web da AGAL para transformá-lo no Portal Galego da Língua, trabalhando tanto na criaçom de conteúdos assim como na parte gráfica do novo sítio. Com o PGL colabora na coordenaçom geral e posteriormente como sub-director até finais de 2005. Entre 2003 e 2006 foi, já, membro do Conselho da AGAL sob a presidência de Bernardo Penabade. A finais de 2004 começa a trabalhar, com a Associaçom, também no campo editorial coordenando várias ediçons e mudando a concepçom gráfica das colecçons CRIAÇOM e UNIVERSÁLIA.
Desde 2006 volta a morar em Compostela onde colabora (menos do que desejaria) com a Gentalha do Pichel. Em Novembro de 2007 começa a trabalhar como técnico de comunicaçom no Concelho de Santiago, e ali continua por enquanto. É membro do Conselho local do BNG desde o ano passado.
De Abril de 2005 a Março de 2006 colaborou mensalmente no Novas da Galiza com umha coluna de opiniom sobre língua
Correio-e: miguel@agal-gz.org
Feed dos comentários para esse post.
