Jéssica Beiroa Fernández nasceu há 25 anos em Calo, no concelho de Teu. Licenciada em Jornalismo pola Universidade de Santiago de Compostela, com especializaçons em Jornalismo Electrónico-Multimédia e Audiovisual, tem trabalhado em diversos meios e empresas vinculadas com a comunicaçom, ademais de responsabilizar-se do apartado comunicacional de várias organizaçons.
Além da faceta profissional é também umha pessoa muito comprometida com a música tradicional galega e o associacionismo de base, quer político, quer cultural. Actualmente, ademais do seu trabalho, imparte aulas de pandeireta na Sociedade Recriativa de Calo, e também toca este instrumento e canta na agrupaçom de pandeiretas «Riscadela», e até a gaita na banda «Estivada», com quem já tem dous discos editados em colaboraçom com a Rádio Galega.
Feed dos comentários para esse post.
