geraçom spectrum

Apresentaçom

geraçom spectrum — Mon, 25 May 2009 15:05:58 +0000

Esta candidatura está em dívida com as pessoas e entidades que criaram as bases teóricas do reintegracionismo. Elas tivérom que agir com grandes dificuldades perante a falta de confiança dos destinatários directos do seu projecto. O seu labor serviu, no entanto, para que alguns galegos e algumhas galegas rasgassem o guiom que estava escrito para a nossa língua: umha variedade local subsidiária do castelhano. Graças a estas pessoas descobrimos que o galego é extenso e útil. Portas que nem sabíamos que existiam, porque as instituiçons galegas nom se molestárom em nos falar delas, estavam abertas de par em par para nós.

Agora queremos dar mais passos e incidir na socializaçom daquilo que se ideou intelectualmente. No momento presente existem novas ferramentas para amplificar a nossa proposta bem como mais espaços receptivos a ela. Igualmente, às primeiras geraçons de filólogos tenhem-se somado profissionais das áreas mais diversas, enriquecendo-nos e abrindo vias de maior alcance social.

Original post blogged on b2evolution.

1.- Para a melhora organizativa da AGAL

geraçom spectrum — Mon, 25 May 2009 15:10:48 +0000

A AGAL deve continuar no caminho da profissionalizaçom iniciado com a contrataçom de duas pessoas para labores na Associaçom. Nesse sentido, e recolhendo a experiência positiva observada noutras associaçons, consideramos que a Presidência deve ser um cargo profissional com dedicaçom exclusiva, para o qual propomos umha reforma dos estatutos que permita que esse posto seja remunerado.

Entre as diferentes acçons promovidas pola AGAL, procuraremos a opiniom das pessoas destinatárias e realizaremos inquéritos de satisfacçom para conhecer qual foi a sua efectividade.

O maior valor da AGAL som as suas associadas e associados. Para a melhora organizativa é necessário implicá-las/os no funcionamento associativo contactando-os/as e oferencendo-lhes jeitos de colaborar. Impulsaremos iniciativas para desenvolver a nível local, procurando envolver um mínimo de 10% da massa associativa.

Marcamo-nos como objectivo lograr um aumento anual de sócios/as de ao menos 10%.

Haverá as seguintes áreas: coordenaçom-geral, área económica, PGL e internet, Agália, área editoral, difusão do reintegracionismo, difusom da Lusofonia na Galiza, relacionamento humano, assessoria jurídica, secretaria de organizaçom.

Original post blogged on b2evolution.

2.- A AGAL em internet e o Portal Galego da Língua (PGL)

geraçom spectrum — Mon, 25 May 2009 15:14:51 +0000

Cumpre melhorar o espaço corporativo da AGAL na rede e completar o revezamento do PGL iniciado em 2007.

Criaremos um sítio associado ao PGL como plataforma de formaçom lingüística com um perfil interactivo, pedagógico e adaptado aos galegos e galegas.

Dotaremos à faceta editorial da AGAL dum sítio próprio na internet.

Produciremos material audiovisual para fazer do PGL um sítio mais dinámico e menos textual. Entre outras iniciativas elaboraremos vídeos, para a rede, com experiências sobre a utilidade do galego.

Introduziremos publicidade no PGL para garantir a sua viabilidade económica.

Criaremos umha agenda cultural galego-portuguesa.

Original post blogged on b2evolution.

3.- A revista Agália

geraçom spectrum — Mon, 25 May 2009 15:18:55 +0000

Para superar as dificuldades organizativas da revista Agália, elaboraremos um plano para revitalizá-la.

Dotaremo-la de maior valor acrescentado, visando acima de tudo flexibilizar e dinamizar o processo de elaboraçom.

Homologaremo-la com outras revistas científicas.

Original post blogged on b2evolution.

4.- A AGAL editora

geraçom spectrum — Mon, 25 May 2009 15:20:29 +0000

Criaremos umha marca própria da AGAL como editora.

Optimizaremos a distribuiçom na Galiza e começaremos a distribuiçom dos produtos da AGAL em Portugal.

Ligado com o já apontado na área de internet, criaremos um sítio próprio na rede para a editora e estudará-se a viabilidade dumha loja em linha para ultrapassar barreiras geográficas.

Tentaremos aproveitar a nossa situaçom estratégica para editar para o mercado lusófono. Promoveremos a editora da AGAL como um referente para a entrada na Lusofonia.

Promoveremos co-ediçons com editoras brasileiras e portuguesas, ou do resto da Lusofonia.

Potenciaremos as actuais colecçons CRIAÇOM, UNIVERSÁLIA e CLÁSSICOS, e criaremos umha nova colecçom especializada em LÍNGUA

Original post blogged on b2evolution.

5.- Promoçom e difusom do reintegracionismo

geraçom spectrum — Mon, 25 May 2009 15:22:30 +0000

A Associaçom deve continuar a ser um referente no reintegracionismo, para o qual é necessário investir nos produtos formativos. A presente candidatura compromete-se a lançar vários produtos de formaçom reintegracionista.

Organizaremos, com carácter bianual, um Encontro em volta da Língua em parceria com outras entidades reintegracionistas.

Jornadas de Língua nas cidades e/ou vilas. Para além de palestras de teor didáctico, incluiremos algumha actividade cultural (música, teatro, concursos, conta-contos...).

Procuraremos incrementar a participaçom de reintegracionistas em relacionamentos internacionais, para visibilizarmos e demonstrarmos a validadez da nossa proposta.

Elaboraremos um plano de comunicaçom com objectivos anuais.

Faremos um seguimento daquelas pessoas que se manifestem publicamente em favor das nossas teses. Contactaremos com elas para testar as suas opinions e procuraremos o seu envolvimento.

Acompanharemos os avanços do reintegracionismo, batendo o ponto sobre experiências novidosas.

Continuaremos o trabalho de visibilizaçom e interlocuçom institucional iniciado por anteriores Conselhos, apresentando a Associaçom e os seus objectivos a agentes sociais, políticos e institucionais representativos.

Elaboraremos unidades didácticas para o ensino primário e para o secundário.

Original post blogged on b2evolution.

6.- Difusom da Lusofonia na Galiza

geraçom spectrum — Mon, 25 May 2009 15:23:30 +0000

Tentaremos aproveitar a boa receptividade dos produtos culturais lusófonos na Galiza. Estudaremos diferentes formas de canalizar esta oportunidade. Apresentaremos projectos que potenciem a presença lusófona no nosso pais envolvendo os actores institucionais e sociais galegos.

Definiremos um prémio bianual de literatura com normativas lusófonas.

Trabalharemos em conjunto com outras associaçons reintegracionistas para lograrmos a recepçom das televisons e rádios portuguesas na Galiza.

Seguiremos o relacionamento entre a Galiza e o resto da Lusofonia.

Original post blogged on b2evolution.

7.- Relacionamento humano

geraçom spectrum — Mon, 25 May 2009 15:26:04 +0000

Organizaremos convívios de galegofalantes procurando o encontro intergeneracional e um carácter internacional.

Estimularemos a realizaçom dum encontro da mocidade galego-luso-brasileira de software livre.

Organizaremos estadias estivais em Portugal a incluir residência familiar e aulas de língua.

Estimularemos o relacionamento com outras associaçons luso-reintegracionistas tentando marcarmos um encontro lúdico anual.

Promoveremos ao menos umha actividade anual em coordenaçom com os centros sociais do país.

Original post blogged on b2evolution.